San Miguel, Zamboanga del Sur – Patay ang usa ka senior citizen human kining naligsan dihang dapita sa Purok 2, Barangay Betinan, San Miguel, Zamboanga Del Sur alas 8:00 kagahapon sa buntag.
Giila ang biktima nga Valentin Intes Gonzalo, 77anyos, residente sa Purok Kalubian, Poblacion, Pitogo, Zamboanga del Sur .
Sa inisyal nga imbestigasyon nasayran nga samtang nagbaklay ang biktima kalit kining nadumbulan ug naligsan sa naghaguros nga Lifan nga motorsiklo nga gimaneho ni Marcelo Salaga 31, anyos lumulupyo sa Purok 7, Barangay Kahayagan, Bayog, Zamboanga del Sur.
Daling gidala ang biktima sa Margosatubig Regional Hospital aron unta katambalan apan wala kini maka-antos sa samad ug bun-og nga nahiagoman og gideklara nga dead on arrival sa mga doktor.
Ang driver kasamtangan nga gikustody sa San Miguel MPS samtang naghulat sa tukmang lakang.
