Sa pakighinabi sa DXDC RMN Davao kang Police Captain Jan Reywan Abadia, ang deputy chief of police sa Sta. Maria MPS, iyang gibutyag nga migula na ang resulta sa examination sa Municipal Health Office ug nakitang adunay hymenal laceration o samad duol sa pribadong parte sa lawas.
Base sa resulta, nagpositibong gihilabtan ang biktima ug namatay kini pinaagi sa pagtuok.
Butyag sa pulis nga aduna na silay ginakonsiderang mga person of interest kinsa nakasibat na karon sa Sta. Maria apan ilang gipanigurado nga aduna silay trace kung asa sila.
Dakong hagit karon sa ilang buhatan ang pagsubay sa giingong adunay witness nga nakakitang adunay duha ka tawong migawas sa lugar kung asa napalgan ang biktima.
Panawagan ni Abadia sa katawhan nga adunay impormasyon sa krimen, mamahimong makig-alayon kanila aron masulbad na ang kaso ug mahatag na ang hustisya ngadto sa 60 anyos nga biktima.
RadyoMan Ivy Parido, RadyoMaN Erin Lumosbog
