Sa pagpanubay sa RMN Iloilo, nakuha sa pitaka sa biktima ang ID niini ug nailang si Antonio Artiaga, 74 anyos ug residente sa Purok 6, Aplaya, Digos City, Davao del Sur.
Sumala pa sa Lambunao PNP nga dako ang posibilidad nga sa taas nga bahin sa highway kini gipusil ug dayong gihagbong sa pangpang.
Sa inisyal nga imbestigasyon sa kapulisan, gipanubayan na nila karon ang anggulong makonekta sa report nga pagswetek sa usa ka sabungan sa nasangpit nga lungsod.
Gibutyag usab sa anak niining si Ariel Artiaga nga usa ka bulan nang nilabay gikan nananghid ang ilang amahan nga muadto sa Iloilo aron magsabong.
Sa pakighinabi sa DXDC RMN Davao sa Digos PNP, ila kining gikumpirma ug gibutyag nga naadtuan na nila ang pamilya sa biktima ug kasamtangang nakig alayon na sila sa kapulisan aron sa pagpadayon sa imbestigasyon.
RadyoMaN Ivy Parido
