Sa interview sa DXDC RMN Davao kang PSSg. Jonipher Hinampas, desk officer sa Sta. Cruz Municipal Police Station (MPS), iyang gibutyag nga na-involve sa aksidente ang usa ka wing van nga gimaneho ni Bernabe Malud, hamtong nga taga Kidapawan City, nga maoy mibangga sa meat van, bonggo ug motorskilo dayon sa tulo ka mga balay.
Sa imbestigasyon, padulong southbound area ang meat van ug motorsiklo sa dihang kalit lamang nga nawad-an og kontrol ang wing van nga padulong northbound area, rason nga mibangga kini sa mga sakyanan ug gikamatay sa bystander o sa biktimang senior citizen nga si Baltazar Solano, nga taga Purok Camia, Barangay Coronon, Sta. Cruz samtang angol usab ang driver sa wing van.
“Ang kining vehicle 3 (wing van), na-out of control og kalit. Wala ‘ta kabalo unsay hinungdan, hubog ba ang driver or unsa. Nikalit siya og kawat sa lane sa vehicle 1 (meat van) ug 2 (Honda ACB). Pagbangga niya sa vehicle 1, nadiretso sya sa vehicle 2 then na-out of control, diretso na siya padulong sa mga balay,” saysay sa pulis.
Sa pagkakaron, ginapaabot pa kung unsa ang mamahimong settlement o kasabutan sa matag kampo nga nalambigit sa aksidente.
RadyoMaN Kirby Manzon
