Iligan City- Patay ang usa ka lalaki, human kini maligiran ug punoan sa lubi sa may C3 Road Scions sakop sa Barangay Tomas Cabili ning dakbayan sa Iligan alas dose kapin kapin kun kulang ang takna sa udto kagahapong adlawa.
Ang biktima nailing si Carmelito Hepowit, 70 anyos ugmolupyo sa Zone 3 Barangay Bagong Silang ning dakbayan sa Iligan apan duna kini gamay nga garden didto sa maong dapit hitaboan.
Sumala pa sa anak niini nga si Bernajeth Cabonggo, nga igo lang mipahuway ang maong biktima sa iyang garden didto sa maong dapit dihang kalit lang kining naligiran sa gibackhoe nga punoan sa lubi gikan sa ibabaw nga bahin kung asa adunay gihimo nga construction , ug didto na bugtuan sa iyang hinulamang kinabuhi human usab nakaangkon ug mga bun-og sa kalawasan ug nanggawas ang internal organs niini.
Sa karon, anaa sa San Guillermo Funeral Homes gihaya ang patayng lawas sa biktima.
Wala usab mipadayon sa pagpasaka ug kaso ang pamilya sa biktima batok sa operator sa backhoe , human kini na settle didto sa Police Station 2.
