Pilar, Capiz- Patay ang 73-anyos nga driver sang motorsiklo sa Santa Fe, Pilar, Capiz matapos nga nasanggit sang isa man ka motorsiklo ang ginamaneho sini nga motor mga 4:15 sang hapon.
Ginkilala ang biktima nga si Leopoldo Besonia y Claudio, 73-anyos, may asawa kag tumandok sang Brgy Kinalkalan, Balasan, Iloilo.
Suno sa Pilar PNP, natumba ang motorsiklo nga ginamaneho sang biktima kag naigo ang ulo sini sa matig-a nga bagay sang na-sideswiped sang motorsiklo nga ginamaneho ni Vicente Pelaga y Verbo, 67-anyos sang Barangay San Ramon, Pilar, Capiz.
Gindala pa sa Jesus Colmenares District Hospital sa banwa sang Balasan ang biktima apang ini ang gindeklarar nga dead-on-arrival.
Ginrelease naman sang mga kapulisan ang suspek bangud sa settlement sa tunga sang magtimbang nga bahin.
