Sa pakighinabi sa DXDC RMN Davao kang Police Captain Jan Reywan Abadia, ang deputy chief of police sa Sta. Maria, nasayrang na-missing na ang biktima niadtong December 31, 2023 sa gabii ug napalgan na lamang nga patay na pagka-ugma sa buntag.
Ang biktima giilang si Alyas Tere, 60 anyos.
Blangko pa ang kapulisan sa suspect ug sa motibo gumikan sa hilit kini nga lugar sa Davao Occidental napalgan ug wala pa silay nakita nga saksi sa maong krimen.
Dugang pa opisyal nga padayon pa ang ilahang pagpanubay karon kalabot sa insidente ug usa sa gilantaw mao ang rape slay tungod sa dihang nakita ang patay nga lawas, hubo na ang ubos nga bahin niini.
Giawhag ni Abadia ang mga lumulupyo sa nasangpit nga lugar nga kung aduna man silay impormasyon kalabot krimen, gilayong muduol sa ilaha aron masulbad ang kaso ug mahatag na og hustisya ang kamatayon sa biktima.
RadyoMaN Ivy Parido, RadyoMaN Erin Lumosbog
