[image: 48987123_1076527102521652_2692632439448141824_n.jpg]
Patay ang babayeng senior citizen samtang naangol sa ospital ang napulo ka mga indibidwal lakip dinhi ang lima ka menor de edad human gibangga gikan sa likod ang traysikel sa naghaguros nga For Ranger pick-up gahapon alas-3 sa hapon sa national highway Barangay Apopong.
Base sa imbestigasyon sa kapolisan magparyente ang mga sakay sa traysikol nga gimaneho ni Rolando Hino paingon og Polomolok South Cotabato gikan sa ilang lugar sa Purok Fatima Sto. Niño, Alabel probinsya sa Sarangani.
Gidrayban sad sa usa ka Rio Zaril Viray ang Ford Ranger pick-up na kusog matod pa ang padagan sa highway padulong sa Polomolok ang direksyon.
Giila sad ang namatay nga ginang na si Christita Nielo, 63 anyos nga nakaangkon og grabeng samad sa ulo nga hinungdan sa iyang pagkamatay.
Parehong may mga bun-og sa ulo og kalawasan ang mga biktimang sila Josh Christian Hino, 8y/o; Cloe Ragadio, 8y/o; Rodelyn Hino, 10y/o; Kyle Stephen Ragadio Hino, 4y/o; Ailynne Rogadio Hino, legal age-mother; Ezekiel Ragadio Hino, 7y/o; Lucia Ragadio Mabel ug Florante Nielo bana sa namatay.
Matod pa sa paryente sa mga biktima nga si Jomar Ragadio pabilin gi-obserbahan ang kahimtang sa mga biktima sulod sa government hospital sa dakbayan.
Dili usab niya mabutyag kung desido ba nga mokaso ang iyang paryente apan iyang hangyo ngadto sa nakabangga tubagon ang gastos sa pagpaospital sa mga biktima.
