Davao City – Dako na og kalamboan ang sektor sa mga katigulangan karong panahona tungod sa mga pribilehiyong gihatag sa gobyerno kanila usa na niini ang 20 porsentong diskwento. Sumala ni criminal lawyer Atty. Leonard Cagatin, wala sila gipasagdan sa gobyerno gawas niining 20 porsentong diskwento, gipatas-an usab ang ilang mga retirement benefits.
Dili usab ikalimod nga narekognisar na sa katilingban ang papel sa mga elderly ning kasamtangang panggamhanan. Matud ni Cagatin, usa na niini ang ginahatag nga pasidungog sa mga moretiro na sa ilang trabaho sa gobyerno ug pribadong kompaniya.
Samtang giklaro usab ni Atty. Cagatin tagaan usab og patas nga pagtagad ang hisgutanang diskriminasyon sa edad sa panarbaho tungod kay dunay mga trabaho nga nagkinahanglan ug batan-on usa na niini sa Philippine National Police (PNP), armadong kusog sa Pilipinas ug uban pa kabahin niining hisgutanang Republic Act 10911 (Anti-Age Discrimination Law).
RayoMaN Bernard Pantallon
