Davao City – Preso sa selda sa Buhangin PNP ang usa ka senior high student human nakuhaan og inugang marijuana sa checkpoint alas-11:00 kagabii.
Giila ang suspek nga si Joshua Fernandez, 19 anyos, senior high student, ug nagpuyo sa Kilometer 9, Tigatto, Buhangin district ning siyudad.
Nasayran nga naharang ang batan-on sa chokepoint nga gimuntar sa Panorama Tigatto ug dihang gikapkapan nakuha gikan kaniya ang marijuana.
Katarungan ni Joshua nga igo lang gibilin ngadto kaniya ang droga sa habal-habal driver nga si alyas Joem Sen ug wala kini masayod para asa ang ipiktos.
Aminado ang suspek nga gagamitan kini og droga apan gihimakak niini nga nagpayuhot siya og marijuana.
Apan bisan pa man sa rason sa suspek gidampot gihapon kini sa mga otoridad ug gibalhog sa selda.
Kasong kalapasan sa Republic Act 9165 kun Comprehensive Dangerous Drugs Act of 2002 ang isang-at nga kaso batok sa dinakpan.
RadyoMaN Joel Viray
