Davao City – Walay nakitang foul play ang kapulisan sa Buhangin area sa kamatayon sa usa ka senior citizen kinsa nadiskubrehan nga wala nay kinabuhi sulod sa kwarto sa girentaha nga boarding house sa may Watusi St. Buhangin ning siyudad alas-7:00 sa buntag.
Ang biktima naila nga si Ruben Santillan, 61-anyos, minyo, ug lumad nga taga Maynila.
Nasayran nga gipukaw matud pa sa iyang kauban nga boarder nga si Jeffry ang tiguwang apan wala kini mitingog busa gisulod ang lawak niini apan nakita na wala na naglihok ug gahi na ang biktima.
Segun sa tag-iya sa boarding house, nagdumili matud pa sa pagpatambal ang tiguwang sa gihambing nga hypertension kun high blood ilabi na miagi na kini og tulo ka higayon nga mild stroke.
Bisan og walay nakita nga foul play sa kamatayon sa biktima, ipailawom gihapon kini sa otopsiya sa mga imbestigador.
Ang patay’ng lawas anaa na karon sa Angel Funeral Homes sa dalang Torres ning siyudad.
RadyoMaN Joel Viray
