Senior pension: Payout sa Davao nagpadayon

32

Davao City – Miabot na sa 226,364 ka mga benepisyaryo sa Social Pension Program for Indigent Senior Citizens sa Region XI ang nakadawat na sa ilang ayuda nga mubalor sa P3,000 alang sa second semester sa 2020 o gikan Hulyo hangtud Disyembre karong tuiga.

Sa datos, 85.49% sa total beneficiaries nga anaa sa 264,792 sa entero rehiyon ang nakadawat na.


Sa anunsyo sa Department of Social Welfare and Development (DSWD) Region XI, gibutyag niini nga nagpadayon karon ang payout sa mga benepisyaryo sa syudad sa Davao.

Samtang, naka-schedule ang alang sa Digos City, Davao del Sur sa Disyembre 7 hangtud 11, 2020.

Ang Social Pension Program, usa ka asistensya sa gobyerno diin anaa sa P500 matag bulan ang madawat sa mga indigent senior citizens alang sa ilang galastohan partikular na sa ilang medikal nga panginahanglan.

RadyoMaN Kirby Manzon




Facebook Comments