Davao City – Walo na ang natalang namatay sa mga sunog nga nahitabo sa syudad sa Davao ug sagad sa mga biktima mga senior citizens.
Nanawagan si Fire Supt. Alex Pamaybay, Davao City Fire District chief sa publiko nga seguraduhon ang safety sa mga senior citizens ilabina katong mga bed ridden.
Kinahanglang ibutang ang mga seniors sa area nga dali lang mapagawas sa higayong adunay sunog ug uban pang emerhensiya.
“Ang atong panawagan sa atong community during emergencies nga ibutang nato atong mga kaigsuonang senior citizens nga mabutang sila sa area nga pwedi nato silang ma-extract dayon o magawas,” matud niini.
Mokabat sa 300 ang natalang sunog sa syudad gikan Enero hangtod Hulyo 2021 apan mas ubos kini kung itandi sa susamang period niadtong tuig 2020.
RadyoMaN Aimee Guinita
