Sentro: ‘Work-from-home’ rasonable

12

Davao City – Welcome sa Sentro ng Nagkakaisa at Progresibong Manggawa ang ideya nga ‘work-from-home’ scheme karon nga nagpabiling hulga ang coronavirus disease 2019 kun COVID-19 sa tibuok kalibutan.

Matud ni Secretary-General Joshua Mata, makatabang ang ‘work-from-home’ aron dili matakdan ang mga trabahanteng Pinoy sa COVID-19 ug malikayan ang pagkuyanap sa maong balatian.


Apan gitino ni Mata nga kadto lamang buluhaton sa opisina nga puwedeng trabahoon sa balay ang tugtan apan kun may kalabutan sa factoria ug planta ang trabaho, sila kadtong pa-dutyhon sa gihapon.

Nagtoo si Mata nga pinaagi sa ‘work-from-home’ mapunggan ang pagtakboy sa COVID-19 nga mikutlo na og kapin 300 mientras anaa na sa kapin 46,000 ang nagpositibo.

Dili lang makalikay sa balatian ang mga trabahante apan makunhuran usab ang ilang oras sa pagbiyahe hinoon dili ciento por cientong sulosyon ang maong iskema sa pagsanta sa pagkatag sa COVID-19.

Sa tan-aw ni Mata, walay epekto ingon man dili maguba ang pangempleyo ni sa ekonomiya kung tugtan ang maong sistema.

Ginahimo na sa laing kanasuran ang maong sistema sa panarbaho apan wala maapektohi ang employment, hinoon nag-padayon ang operasyon sa mga kumpanya ug bisan ang puwersa sa mga mamumuno wala usab matandog.

Pasidaan ni Mata sa mga employers nga sweldohan ug ihatag ang ensaktong mga benepisyo sa mga trabahante nga sa balay na lamang muhimo sa ilang trabaho subay sa giingon sa balaud sa pamuo.

RadyoMan Joel Viray

Facebook Comments