Davao City – Garbo sa mga taga Davao region ang nahimong resulta sa September Licensure Examination for Teachers kun LET 2019.
Sumala sa usa ka alumnus sa University of Southeastern Philippines (USEP) Tagum nga si Fraulein Silva, mipasibaw kini sa iyang gibati sa social media ug dako iyang pasalamat sa resulta sa Professional Regulation Commission (PRC), daghang mga examinees ang nakapasar gikan sa University of Southeastern Philippines (USEP) Tagum ug top 1 sa top performing schools sa elementary level nga dunay 96.07% samtang top 5 sa secondary level nga dunay 88.66% ug top 2 performing school sa secondary level ang Ateneo De Davao University (ADDU) nga dunay 93.85 %.
Samtang gikalipay usab sa mga Dabawenyo ang resulta sa mga topnotchers diin top 2 ang taga UM-Davao City nga dunay 92.60 % nga si Jasmine Landas Cabatingan, samtang ang top 1 ang taga – University of Southern Mindanao (USEP) kidapawan nga si Marloy Pugoy Camano – 93.40 % sa secondary level diin kapin 60 ka mga examinees ang anaa sa top 10.
Samtang tulo ang top sa elementary level, usa niini si Anjo Jurado Literatus, sa St. Marys College nga dunay 92.60 % sa exam, kauban usab nga nag-top sila Kezia Keren Ambag sa PNU Mindanao ug Joshua Sebigan Canseco sa MSU – GenSan.
Subay sa datos sa PRC, kapin 28,000 ang nakapasar sa elementary level sa 92,440 ka mga examinees samtang kapin 54,000 sa secondary level sa 136,523 ka mga examinees.
RadyoMaN Renz Barbarona
