Davao City – Angay nga tutukan sa mga opisyales sa Barangay ang paghatag og serbisyo sa ilang mga ginsakpan.
Kini ang giingon ni Davao City Mayor Bernard Al-ag atol sa interview sa DXDC RMN Davao kaniya diin subay kini sa hingpit na nga paglingkod sa mga elected Brgy. officials sa ilang pangatungdanan kagahapong adlawa, Hulyo 1, 2018.
“Mag focus na ang atong Brgy. Officials sa pagserbisyo kay undangon na ang pulitika kay humana man ang eleksyon”, sigun ni Al-ag.
Sumala sa bise alkalde nga gawas sa paghatag og serbisyo, gilauman usab niya nga siento porsiento nga musuporta ang brgy. sa kampanya batok iligal nga droga aron matinguha na ang giingong drug-free Barangays sa syudad ingon man sa tibuok nasud.
“Ikaduha, focus sa pag-contribute sa national government lalo na ang priority sa Presidente sa anti-drugs campaign, akoa silang gina-expect nga 100% support sa kampanya”, dugang ni Al-ag.
RadyoMaN Renz Barbarona
