Davao City – Nagpatabang ang mga concerned nga ginikanan sa San Miguel Elementary School nga sakop sa Lubogan Elementary School may kalabutan sa mga cargo truck mga ginapark atubangan mismo sa maong tulunghaan.
Reklamo sa mga ginikanan nga dili na makalugar ang mga sakyanan nga adunay ihatod nga mga anak nila sa oras sa ting klase.
Tungod niini naghatod og risgo sa mga bata nga anaa na halos tunga sa kalsada munaog aron musulod sa ilang mga classrooms sa maong tulunghaan.
Personal nga giaskyoanan sa RMN SSTP Barangayan Team ug mipasalig ang tagdumala sa Hinlo Concrete Products nga ilang kuhaon ang ilang mga sakyanan nga nakapark atubangan sa maong tulunghaan.
Subay niini mapasalamaton ang OIC Principal sa San Miguel Elementary School nga si Mrs. Noralyn Lupo sa DXDC Team tungod kay naaksyonan na ang problema sa mga ginikanan lakip na ang teaching staff sa maong eskwelahan.
RadyoMaN Abi Bibera & RadyoMaN Erin Lumosbog
