General Santos City— Nagpahigayon ug seremonial lighting ang dakbayan sa GenSan sa pagpanguna ni Gensan City Mayor Ronnel Rivera sa logo sa ASEAN Summit dungan sa ika-50 ka tuig niini ug ang nasud maoy naatlan nga host.
Sumala kang Mayor Rivera nga ang pagpahigayon ug seremonial lighting ang usa sa mga pamaagi aron sa pagpakita ug suporta sa maong aktibidad.
Gani, tanang lokal nga panggamhanan sa nasud ang dungan nga nagpasiga sa logo sa ASEAN Summit sa milabay’ng Agosto 8 dungan sa pormal nga pagsugod niini.
Dugang pamahayag ni Mayor Rivera nga higayon nga matuman na ang asean integration, dako ang mamahimong tabang niini sa ekonomiya sa dakbayan ingon man sa nasud ug katawhan mismo gumikan sa mga mag-abli nga trabaho.
Pagpaklaro usab ni Mayor Rivera nga gikan sa ubay-ubay nga mga nasud nga miyembro sa Association Of South East Asia Nation, ang nasud Pilipinas maoy nag-unang maka-benipisyo ug dako gumikan sa maayo sa lenguwaheng Englis kung itandi sa ubang kanasuran.
