Davao City – Nasikop ang usa ka service crew human naaktuhang mitunol og giutohang shabu sa usa ka piniriso sa Davao Prison and Penal Farm (DPPF) sa Brgy. Tanglaw, Dujali, Davao del Norte niadtong adlawng Sabado, Setyembre 1, 2018.
Sa report gikan sa Police Regional Office kun PRO XI, giila ang dinakpan nga si Carlo Lopez Alvarado, 21 anyos , service crew sa usa ka fast food chain ug residente sa Puerto Azul Subdivision, Brgy. Tibal-og lakip nadakpan ang gibista niini sa prisuhan nga si Jason Bolo Cayag, 21 anyos ug residente sa Brgy. San Jose, Sto. Tomas, Davao del Norte.
Gibutyag ni Correctional Officer 3 Jerry Erwin Antero, Duty Guard sa Control Gate nga bandang alas 2:54 niadtong adlawng Sabado, mitunol matud pa ang bisita og pagkaon sa piniriso apan namatikdan niini nga adunay laing gitunol ang bisita hinungdan nga dali kining gisuta sa mga opisyal ug nakita ang kwarta ug tissue nga adunay small plastic tube sa gituohang shabu.
Daling giturnover ang service crew ngadto sa kapulisan samtang ang piniriso gawas sa giatubang nga sentensya tungod sa krimen nga frustrated murder, mag atubang usab kini og kasong may kalapasan sa Republic Act 9165 kun Comprehensive Dangerous Drugs Act of 2002.
RadyoMaN Renz Barbarona
