Service Road Sa Atubang Sang SM Strata, Temporaryo Nga Ginsiraduhan Sang PSTMO

8

*i Balita*
*April 15, 2018*
*(Photo From Web. No Copyright Infringement Intended)*

*Temporaryo nga ginpasiraduhan sang Public Safety and Transportation Management Office ukon PSTMO ang service road sa atubang sang SM strata.*

*Ini kasunod sang panibag-o nga insidente kahapon sang hapon kon sa diin duha ka salakyan ang nahulugan sang glass panel.*

*Suno kay PSTMO head Jeck Conlu nga temporaryo niya nga ginpasiraduhan ang service road agud indi na masulit ang insidente bangud wala man sila sang poder agud pauntaton ang construction sang SM strata.*

*Una diri, ginrekomendar ni Conlu kay mayor Joe Espinosa III ang work stoppage sang strata bangud nakita niya nga indi safe ang lugar apang wala pa siya nakabaton sang feedback.*
*Bangud sa insidente kahapon, liwat nga igarekomendar ni conlu ang pagpauntat sa construction sang SM strata.*

*Tags: Luzon, Visayas, Mindanao, Kandingmybangs, iFM Fans Club OFW Chapter, iFM Iloilo Fans Club. *

Facebook Comments