Aprobado na sa Iloilo City Council ang Service Water Ordinance nga ginpasar ni City Councilor Ely Estante.
Tinutuyo sini nga maserbihan sang libre nga potable water ang mga customer sa mga restaurant kag iban pa nga mga food outlet sa syudad sang Iloilo.
Suno kay Estante, madamo sang mga kalan-an sa syudad ang wala nagaserbe sang libre nga tubig sa ila mga customers kag kinahanglan pa sang mga ini nga magbakal.
Gani pinaagi sa Service Water Ordinance, mahatagan na sang libre kag matinlo nga tubig ang mga nagakaon sa mga restaurant .
Ginpahayag ni Estante nga ang City Health Office ang magamonitor kag maga-implimentar sang ordinansa.
Dugang pa niya nga may nagaka-igo nga penalidad kag mahimo kanselahon ang business permit sang mga restaurant kag kaangay nga mga establisyemento nga indi makacomply sa Service Water Ordinance.
(photo from web)
