Serye sa linog sa Davao tungod sa paglihok sa Cotabato fault line

Davao City- Ang paglihok sa Cotaboto Fault System ang rason sa mga pagtay-og nga nasinatian sa dakbayan segun sa Philippine Institute of Volcanology and Seismology (PHIVOLCS).

Sumala ni Ezzra James Fernandez City Disaster Risk Reduction and Management Office (CDRRMO) Operations Assistant, nakatala og mild ngadto sa moderate nga mga liki sa mga istruktura sa pipila ka mga eskwelahan sa walo ka mga barangays lakip na dinhi ang Calinan National High School, Saloy National High School ug Doña Asuncion Hizon Elementary School.

Nakigalayon na ang CDRRMO para sa nagpadayong risk assessment sa Barangay Matina Crossing, Barangay Catigan, Brgy. Toril Proper, Brgy. Mintal, Brgy. Baguio Proper, Brgy. Calinan Proper, Brgy. Cabantian ug Brgy. San Antonio ning dakbayan.

Samtang tulo ka nga balay ang adunay moderate-major cracks, walo ka balay ang adunay minor cracks sa Purok 10, Brgy. Sirib, Calinan ning syudad.

RadyoMaN Aimee Guinita