Matud ni Police Captain Hazel Tuazon, Davao City Police Office (DCPO) spokesperson, ang matag istasyon adunay mga surpresang mga SIMEX sa pagsukod usab sa kaabtik sa pagresponde sa mga personahe ug reaksyon sa katawhan sa pagaplikar sa Culture of Security.
Segun ni Tuazon, gimando kini sa Police Regional Office (PRO) 11 ang paglusad og mga SIMEX nga niarangkada niadtong Nobyembre 28,2023 sa pagpahugot sa seguridad sa dakbayan karong Kapaskuhan.
I-assess usab ang mga performance sa mga pulis atol sa mga pagbansay.
Nangayo’g despensa ang DCPO kung aduna may mga pagkadelatar o paghuot sa dagan sa trapiko sa ginahimong aktibidad nga parte sa security measures sa Davao aron masigurong dili mahitabo sa syudad ang mga explosions ug uban pang krimen karong Holiday Season sa pagdagsa sa mga tawo sa mga convergence areas.
RadyoMaN Aimee Guinita
