Gi aresto sa mga sakop sa National Bureau of Investigation – Iligan District Office (NBI-ILDO) alas onse kapin kun kulang ang takna sa buntag kagahapong adlawa ang usa ka 25 anyos nga lalaki pinaagi sa usa ka entrapment and rescue operation sulod sa lodging house sa Barangay Palao dinhi sa dakbayan sa Iligan.
Matud ni Atty. Jamal Dimaporo, head sa NBI-ILDO, naila ang target nga si Charlton Balanay,21 anyos residente sa Barangay Santiago, Iligan City.
Dugang pa ni Dimaporo nga ang ilang operation gihimo human nga mireklamo ang kanhi uyab ni Balanay nga usa ka 17 anyos , senior high student nga gihulga matud pa siya sa suspetsado nga i post ang iyang hubo nga hulgway kung dilisia makig balik kaniya.
Nakuha sa NBI ang cellphone ni Balanay uban ang mga ebidensya batok kaniya nag blackmail sa maong dalaga.
Ang maong dalaga anaa sa kostudiya sa Iligan City Social Welfare and Development (CSWD) samtang ang lalaki anaa sa custody sa NBI.
Mag atubang si Balanay sa kasong paglapas sa Article 286 of the Revised Penal Code or Grave Coercion, violation of Republic Act (RA) 9775 or the Anti-Child Pornography Act, violation of RA 9995 or the Anti-Photo and Video Voyeurism Act and violation of RA 10175 or the Cybercrime Prevention Act.
Gitakdang i-inquest karong adlawa sa korte ang maong suspetsado.
