Manila, Philippines – Trending ngayon sa social media ang maternity photo ng buntis na Actress/ Model na si Isabelle Daza mula sa katatapos lang na pictorial niya para sa isang magazine cover.
Itinaon ni Belle sa kanyang birthday ang pagshe-share sa larawan na may caption na “Birthday Suit”.
Marami naman ang pumuri sa blooming na awra ni Belle at tinawag siyang sexy preggy.
Isang malungkot na balita naman ang ibinahagi ni Saab Magalona kasabay ng 9th death anniversary ng ama niyang si Francis M.
Kaugnay ito sa pagpanaw ng kanyang Baby Girl noong February 8 habang nananatili naman sa Neonatal Intensive Care Unit ang kakambal nitong lalaki matapos sumailalim sa surgery.
Ayaw na raw sana niya itong sabihin, pero kailangan niyang i-honor ang kanyang anak na aniya’y nagbuwis ng buhay para sa kanya at sa kanyang twin brother.
