Shabu mas mahal ang baligyaanay sa sulod sang jail ikumparar sa gwa

173

BACOLOD CITY – Handa pamatud-an sang duha ka mga inmates sang Metro Bacolod District Jail ang ila ginbuyagyag nga may nagaluntad gid man nga illegal drug trade sa sulod sang bilangguan nga ginapalakat sang napatay nga detainee nga si Nolan Jok-jok Baldomar.

Suno sa duha ka priso nga matuod ang nagakatabu nga baligyaanay sang illegal drugs sa sulod sang prisohan kon diin may pila ka personnel sang BJMP kag sibilyan nga amo ang sa likod sang drug trade.

Ginbuyagyag sang mga ini ang pagsulod sang binulto-bulto sang shabu sa Bacolod District Jail kag ang pinaka ulihi diri amo ang pagsulod sang napulo ka bulto sadtong July 11, 2017.


Gin-ako sang amo nga mga bilanggo nga ang kahadlok sa ila kabuhi sa sulod amo ang ila rason sang ila pag-expose sang illegal drug trade sa sulod matapos napatay si Baldomar.

Sa pihak nga bahin, ginbuyagyag sang duha nga mas mahal ang presyo sang shabu sa sulod sang prisohan kon ipaanggid sa baligyaanay sini sa gwa.

Ang presyo sang isa ka bulto sang shabu sa gwa nagabalor sang 12 mil pesos samtang sa sulod naman sang jail ini ang mabakal sa presyo nga 19 mil pesos. Ang isa naman ka gamay nga sachet sang shabu ang nagabalor 300 pesos.



Facebook Comments