BACOLOD CITY – Ginabulubanta nga nagdangat sa kapin 100 mil pesos ang balor sang mga suspected shabu nga na recover sa isa ka suspek sa ginpatigayon nga buy bust operation sa parking lot sang isa ka mall sa Brgy. 9, Bacolod City kagab-i.
Ang suspek nakilala kay Glenn Descutido, Alyas Burnok, 37 anyos ang edad sang Purok Mahigugmaon, Brgy. 22, ciudad sang Bacolod kag temporaryo nga naga-star sa Brgy. Vista Alegre, sining ciudad.
Ang buy bust operation ginpatigayon sang Police Station 2 sa pagpamuno sang hepe sini nga si Police C/Insp. Benedicto Vilarias, Jr.
Nakuha sa possession sang suspek ang 6 tanan ka dalagku nga heat-sealed plastic sachet sang suspected shabu, improvised tooter subong man marked money.
Suno kay Villarias nga nakabaton sila sang impormasyon nga may yara sang nagakatabo nga transaction sang illegal nga druga sa parking area sang amo nga mall gani gilayon sila nga nagpatigayon sang buy bust.
Sa karon ang suspek detained na sa custodial facility sang Police Station 2./dyHB BACOLOD
