Naglab-ot sa 25 gramos sang suspected shabu nga ginabanta nagabalor sang 125 mil pesos ang natigayon nga makumpiskar sang Phlippine Drug Enforcement Agency ukon PDEA sang nakaligad nga sabado.
Nakumpiskar ang illegal nga druga matapos mnaghiwat snag inspection ang mga operatiba sang PDEA 6 sa Ceres Bus Terminal sa Buhang, Jaro sang Sabado nga adlaw.
Ginpahayag ni PDEA 6 director Wardley Getalla nga ang nakumpiskar nga shabu mahimo magalab-ot sa 250 mil pesos base sa Iloilo street price.
Suno kay Getalla nga gilayon sila nagporma sang team sa paghiwat sang inspection sa bus terminal matapos nakabaton sang impormasyon nga may shipment sang shabu nga magaabot sa Siyudad sang Iloilo pinaagi sa RORO bus sang Ceres gikan sa Metro Manila.
Subong man ginpahayag ni Getalla nga wala pa nila mahibaluan kon sin-o ang nagpadala sang druga nga naputos sa lima ka sachet nga tag-5 ka gramos ang kada isa nga nasulod sa isa ka gamay nga box kag ginbutang sa paper bag nga daw kaangay sang regalo kaupod sa legitimate package sang mga shampoo kag moisturizer.
Suno kay Getalla nga ang pagka-kumpiskar sang ilegal drugs nagapakita nga naganubo na ang supply sang illegal nga druga sa IIoilo.
