Ginkumpermar ni Megastar Sharon Cuneta nga may pito ka lalaki nga nagpapitik sang iya tagipusuon sang una.
Pinakauna sa listahan ni Sharon amo si Albert Martinez nga nangin puppy love niya
Ikaduha si Gabby Concepcion nga amo ang iya ultimate love kag ginpakaslan pa sang makaduha ka beses kag ang una amo ang civil wedding sadtong Hulyo 23,1984.
Ikatatlo amo si Rowell Santigao nga nangin fallback kag rebound lamang nga gin-ako man ni Shawie nga indi deserving nga masakitan.
Si Santiago ang nagsalo kay Sharon sang nagbulagay sila ni Gabby apang ginbayaan niya sang nagbalikay sila sang anay bana.
Ikaapat diri amo si J nga wala na niya gindetalye pa.
Ikalima si Richard Gomez nga ginakabig man niya nga great love kaangay ni Gabby.
Ikaanom si Robin Padilla nga dyutayan lang niya ginpakaslan ugaling kay may ginpabusong nga babaye.
Kag ang ikapito amo si Charlie Cojuangco apang wala nagdetalye si Sharon kun ngaa wala nadayun ang ila engagement.
Apang ang iya nangin forever man amo si Sen. Kiko Pangilinan nga iya ginpakaslan sadtong April 26, 1996.
