Duha ka tawo ang pilason sa magkatuhay nga insidente sang pagpangluthang sa siyudad kagh probinsya sang Iloilo mga alas 7 kagab-i.
Una nga insidente natabu sa Barangay Don Esteban, Lapuz kon sa diin ang biktima ginkilala kay Anthony Crispolon , 25 anyos samtang ang suspek ginkilala kay Norberto Mayang, 59 anyos, lunsay pumuluyo sang amo man nga lugar.
Ginpahayag nga mabakal kuntani sang sigarilyo ang biktima sa tiyangge sang hinali lamang ini nga ginluthang sang suspek kag naigo sa iya magtimbang nga batiis.
Gilayon man nga nadakpan si Mayang pinaagi sa hot pursuit operation kag napriso na sa Lapaz police station.
Samtang, natabu ang isa pa ka shootong incident sa Barangay Sto. Niño, Dueñas, Iloilo kon sa diin ang biktima ginkilala kay Ernesto Caberoy Jr. 48 anyos sang Sta. Barbara, Iloilo samtang ang suspek amo man lamang ang iya bayaw nga si Melle Catalan.
Ginpahayag nga nagkadto lamang sa nasambit nga lugar ang bikitma agud mamilasyopn sa haya sang iya ugangan nga lalaki kon sa diin iya pa ginhatagan sang sigarilyo kag inugbakal sang whiskey ang suspek.
Subong man, samtang nagahigda ang biktima, gintawag ini sang suspek kag sang magbangon, gulpi lang ini nga ginluthang kag naigo sa iya nawala nga abaga.
Ginpasundan pa ini snag tiro apang masuwerte nga wala maigo.
Gindala sa Passi City District Hospital si Caberoy apang gin saylo ini sa Western Visayas Medical Center.
