Pilason ang isa ka lalaki matapos luthangon snag suspek samtang nagatindug sa higad snag dalan sa barangay Man-it, Passi City, alas 7:30 sang gab-i, Disyembre 20.
Ginkilala ang biktima nga si Raffy Elumba, 31 anyos sang amo man nga lugar.
Samtang ang suspek ginkilala naman kay Edwin Subong, 45 anyos, pumuluyo sang barangay Gemat-y, Passi City.
Ginpahayag ni Police Supt. Arturo Fullero, hepe sang Passi City PNP nga ginpamangkot sang suspek ang biktima angut sa babaye nga kaupod sini obra kon sa diin na-bad-trip ang suspek sa sabat sang biktima.
Bangud sini, ginluthang ni Subong si Elumba gamit ang 12 gauge shot gun.
Gilayon nga gindala sa Passi City District Hospital ang biktima kag ginsaylo ini sa Iloilo Doctor’s Hospital.
Boluntaryo naman nga nagsungka sa Passi City PNP si Subong kag ginsurrender man ang armas luthang nga iya gingamit.,
