Davao City – Ginatumbok pa karon sa Police Regional Office kun PRO XI og gumikan ba sa hisgutanang investment schemes ang motibo sa sunod-sunod nga shooting incidents sa Tagum City, Davao del Norte.
Sumala ni Police Major Jason Baria, PRO XI spokesperson atol sa AFP-PNP Presser, gimanduan na matud pa ni PRO XI Regional Director Brig. General Marcelo Morales ang mga provincial directors nga tutukan ang sunod-sunod nga pagpamatay ilabi na sa Tagum City.
Pagpasabot sa tigpamaba nga i-classify usa nila ang anggulo sa mga insidente aron usab ma-justify og sagad ba niini adunay kalambigitan sa investment schemes.
Kahinumduman nga karon lamang semanaha, tulo ka mga shooting incidents ang natala sa Tagum PNP sama niadtong gipusil nga engineer niadtong adlawng Lunes, usa ka empleyado sa regional hospital kinsa gipusil kagabii sa Purok Kahayag, Brgy. Visayan Village, ug ang nahitabong shooting incident usab kaganinang buntag sa Magugpo East, Tagum City.
RadyoMaN Renz Barbarona
