Sa interbyu sa DXDC RMN Davao kang Police Lieutenant Colonel Edgardo Bernardo, Chief of Police sa Tagum City PS, gisulti niini nga base sa ilang pakighinabi sa pamilya sa biktima nga si Aldhrin Mark Daquio, wala silay nahibaloan nga adunay nakaaway o nakabangi ang biktima ayha nahitabo ang insidente.
“Kausap ng imbestigador namin yung asawa (ng biktima). Wala namang nababanggit sa amin na kaaway o nakaalitan itong biktima natin. Yun lang yung napansin nila yung mga ilang araw na, laging busy sa cellphone. Hindi na man dating ginagawa,” sulti ni Bernardo.
Dili usab ma-establisar sa kapulisan nga robbery ang nahitabo, apan gituohang gisundan ang biktima gikan sa ilang lugar sa Pantukan padulong sa Tagum City asa kini nakigtransaksyon sa iyang paliton nga motor.
Sa pagkakaron, gipalawman pa sa kapulisan ang imbestigasyon pag-ila sa suspek ug ang motibo sa krimen.
RadyoMaN Kirby Manzon
