Molave, Zamboanga del Sur – Tunga sa oras nga nakigbugno sa kalayo ang mga bombeo dihang ni-ulbo ang kalayo sa Brgy. Sudlon, Molave, Zamboangadel Sur alas 3:02 niadtong sabado sa hapon.
Partikyular nga naugdaw ang car repair shop nga nahimutang sa naasoy nga lugar.
Sa imbestigasyon nasayran nga ang maong shop gipanag-iyahan sa 60-anyos nga mekaniko nga si Eduardo “Eddie” Relativo Pielago.
Dali usab nga niresponde ang tropa sa Molave Municipal Police Station aron pagkontrolar sa trapako ug mga tawo nga anaa sa lugar.
Sa inisyal nga imbestigasyon nasayran nga nagsugod ang kalayo duol sa poste sa ZAMSURECO.
Wala na masalbar ang mga ekwepo nga nakapundo sa shop ug lakip nga na-ugdaw ang mga sakyanan sa mga kliyento sa tag-iya.
Gibana-bana nga moabot sa duha ka milyon ang kantidad sa mga gamit nga naabo.
Walay gikataho nga nasamdan o namatay sa insidente samtang naglusad na og makuti nga imbestigasyon ang tinugyanan sa Bureau of Fire Protection BFP- Molave.
