Naisumite na ng Judicial and Bar Council ang shortlist ng mga nominado para sa posisyon ng Associate Justice ng Korte Suprema.
Nasa 12 pangalan ang isinumite ng JBC kay Pangulong Ferdinand R. Marcos Jr., bilang kapalit ni Associate Justice Mario V. Lopez na magreretiro sa June 4.
Ito ay sina:
– Court of Appeals Associate Justice Nina Antonio Valenzuela
– Justice Ramon Bato
– Justice Ramon Cruz
– Justice Maria Elisa Sempio Diy
– Justice Myra Garcia-Fernandez
– Fernanda Lampas-Peralta
– Justice Ronaldo Roberto Martin
– Justice Karl Miranda
– Justice Walter Santos Ong
– Justice Maria Rowena San Pedro
– at Court Administrator Raul Villanueva
Kasama rin sa listahan si Atty. Darlene Berberabe pero kahapon ay inanunsiyo ang pagtatalaga sa kaniya ni Pangulong Marcos bilang Solicitor General.
Pirmado ang nominasyon ni Chief Justice Alexander Gesmundo, Justice Secretary Jesus Crispin Remulla at iba pang miyembro ng JBC.
