Manila, Philippines – Imina-match ngayon ng mga netizen sina Kris Aquino at Willie Revillame
Kasunod ito ng ginawang surprise visit ni kuya Wil sa bahay nina Kris sa Quezon City para kumustahin ang anak nitong si Josh na na-ospital kamakailan.
Tweet ng mga netizen, potential couple ang dalawa lalo ngayon na pareho naman daw silang single.
May gumamit pa ng #kriswil na pabirong sinagot ng social media queen na dapat raw ay #wilkris para kay kuya wil ang “top billing”.
Sinakyan din ni Kris ang mga biro ng netizen at sinabing mas ok nga siguro kung sila ni Willie kaysa sa past romance niya kay QC Mayor Herbert Bautista.
Pero kalaunan, si Kris na rin ang tumapos sa biruan at nakiusap na huwag na silang gawan ng chismis ni Willie.
Mahal daw niya bilang kaibigan si Willie lalo at love na love din ni Josh ang comedian-host.
