Sinibak na sa pwesto ang hepe ng Daraga Police Station matapos ang nangyaring pananambang kay Ako Bicol Rep. Rodel batocabe.
Ayon kay Police Chief Arnel Escobal, Regional Director ng Police Regional Office 5 – ni-relieve bilang hepe ng Daraga City Police si Police Supt. Benito Dipad Jr.
Dahil dito si Police Supt. Dennis Balla muna ang magsisilbing acting chief.
Sa ngayon, nagpapatuloy pa rin ang imbestigasyon ng mga otoridad sa krimen kung saan inalis nila ang anggulong may kinalaman ito sa iligal na droga.
Ayon kay Escobal, isa ang pulitika sa tinitingnan nilang motibo ng ambush habang inaalam na rin nila kung may kinalaman dito ang NPA.
Facebook Comments
