Sibulan rape-slay: Dugang saksi nipatim-aw kinsa nakakita sa suspek sa crime scene

Davao City – Nigawas ang dugang witness sa rape-slay case nga nipabug-at pa og samot sa mga ebidensiyang gihawiran sa kapulisan nga magduot sa suspek sa brutal nga paglugos patay sa 12 anyos nga grade 7 sa Brgy. Sibulan, Toril ning syudad.

Sa interbyu sa RMN Davao kang Police Major Jonnel Bonguyan, PS 19 Eden, ang witness mismong nakakita sa suspek duol mismo sa crime scene niadtong buntag sa Dominggo, Disyembre 4, 2022.

“Naa na gyod mi sa 90% nga siya na gyod ang nagbuhat sa krimen. Bug-at kaayo kay naa tay mga witness nga nakita gyod nila ang suspek sa area, dili gyod na niya ma-deny. Naay nakakita sa iyaha 15 years old nakit-an gyod siya didto nga naghangak-hangak, na ratol duol didto sa crime scene kay ang bata ang pasultihon tulo na kaadlaw na gipadamgo sa biktima,” sumala niini.

Teorya usab sa kapulisan nga planado sa suspek ang krimen.

Posibleng una pa man mahitabo ang insidente namolestiya na niini ang biktima ug tungod kay mahadlok kining isumbong gisundan sa suspek ang menor de edad.

Segun ni Bonguyan, gihulat na lang nila ang ginikanan aron mapasaka ang Homicide with Rape batok sa suspetsado.

Samtang, anaa sa 3-4 weeks pa ang resulta sa test nga gikuha sa mga specimen sa mga persons of interest.

RadyoMaN Aimee Guinita