ILOILO CITY – Ginrekumendar sang city council nga magpatuman sang signal jam sang cellphone sa ti-on sang Dinagyang festival.
Sa resolution nga ginduso ni Councilor Joshua Alim ipatuman ang signal jam halin alas 6 sang aga tubtob alas dos sang hapon sa Enero 27 kag 28 nga amo ang ti-on sang kasadyahan kag Dinagyang ati-ati tribes competition.
Mangin sakop sang signal jam ang plaza libertad, Freedom Grandstand, Capitol area; Mabini, Quezon, Iznart kag Rizal Sts., City Proper.
Ini nga mga lugar lunsay mga judging areas.
Sang nagligad nga tuig nagpatuman man sang signal jam ang kapulisan matapos ginhingyo sang Iloilo Dinagyang foundation.
Subong nga tuig mas doble nga siguridad ang ipatuman bangud magatambong sa highlight sang kahiwatan si Presidente Rodrigo Duterte./// Photo from web
