Mipasalig na karon ang chairman sa komiteba sa police, fire and public safety nga si Konsehal Romeo Calizo nga nakaandam na sila sa tanang preparasyon sa kapistahan sa CDO karong bulana. Gitun-an na matud pa pag-ayo sa kometiba ni Calizo ang mga nagkalain laing major events nga pagasaulogon sa syudad.
Ang city fiesta nga parada mao matud pa ang giila nga pinaka -common nga kalihokan, ug sukwahi niadtong niaging tuig, karon apil na ang mga estudyante sa elementarya sa maong parada.
Kini nga kalamboan ang matud pa natigayon gumikan sa gipakitang paglambo sa panglawas sa mga katawhan sa kada baranggay hilabi na gayud sa mga kabataan. Dugang pa ni Calizo nga kini ang rason kung nganong importante ang papel sa mga health centers sa baranggay aron siguraduhon ang tanang butang may kalabutan sa panglawas isip kabahin sa usa ka nagatubo nga syudad.
Gidayeg usab ni Calizo ang matud pa pagpaningkamot nga gihimo sa City Health Office sa pagbuhat niini ug mga nagkalain-laing programa ug serbisyo nga importante sa kahimsog ug kalamboan sa mga kabarangayan.
