*General Santos City— Mas pahugtan ug pakusgan sa General Santos City Police Office ang pagbantay sa siguridad alayon sa nagsingabot nga Kalilangan 2020.*
*Sumala kang Police Major Rexor Canoy, tigpamaba sa GSCPO nga nakapahigayon na sila ug security conference alang sa maong aktibidad apan gipaklaro niya nga intelligence driven gyud ang ipatumang siguridad.*
*Saysay niya nga gumikan anaa sa oval plaza ang halos tanang aktibidad, mas daghang personahe sa kapulisan uban ang militar ang ilahang ipang-deploy palibot sa maong activity area.*
*Dugang pamahayag ni Police Major Canoy nga sa karon wala pa silay ideya kung adunay planong magsignal jam sa Kalilangan apan kana matud pa ang magdepende na sa desisyon sa mga organizer.*
*Paniguro niya nga sila sa kapulisan uban ang militar ug mga force multipliers ang himuon ang tanan aron nga masigurong walay unsa mang kakulian nga mahitabo sa maong selebrasyon.*
*Nagpasalamat man usab kini sa tanan gumikan sa suportang ginahatag ngadto sa han-ay sa kapulisan ug militar aropn nga mahigurong magpabiling hapsay ug malinawon ang syudad.*
