*General Santos City— Padayon ang ginahimong imbestigasyon sa kapulisan sa duha ka mga dinakpang nga gika-ingong financier sa teroristang Bangsamoro Islamic Freedom Fighters kon BIFF.*
*Sumala kang Gensan City Mayor Ronnel Rivera nga iyaha mg gitugyan ngadto sa otoridad ang imbestigayson sa maong kaso aron masayran kung aduna pay mga kaubanan ngga nahibilin sulod sa dakbayan o sa rehiyon.*
*Kini gumikan dili lang matud pa Gensan ang kinahanglang tutukan kundili bisan na ang tibuok Mindanao gumikan sa posibleng planong terroristic act sa maong grupo.*
*Dugang pamahayag ni Mayor Rivera nga luyo pa man sa ihap sa mga terorista o mga kriminal nga madakpan sulod sa Gensan, dili niini masulti nga ginahimong taguan sa mga nasangpit ang dakbayan.*
*Ang pagkasikop matud pa sa mga nahisgutan ang resulta sa maayong intelligence monitoring sa otoridad ug pamaatuod kini nga adunay maayong performance ug koordinasyon ang tanang law enforcement agency.*
*Busa awhag niini sa katawhan nga tabangan ang otoridad sa pagbantay sa siguridad aron nga masikop o masayran ang kinsa mang indibidwal nga nagaplano ug dautan para sa syudad.*
*Kalabot niini, gibutyag ni Mayor Rivera nga sa karon, kampante siya sa ginapatumang security measures sa dakbayan apan gipaklaro niya nga wala naga-kumpyansa ang otoridad.*
*Rason nga sa umaabot nga tuna festival, mas gipahugtan pa ang ginapatumang siguridad aron nga masigurong dili malutsan sa mga dautang tawo o mga kriminal.*
*Sumala niya nga han –ay na ang ipatumang siguridad ug subay sa report gikan sa kapulisan, adunay standby nga contingency plan alang sa maong selebrasyon.*
