General Santos City— Gipusil-patay ang usa ka sikad driver nga nailang si Marlon Lentija, 36 anyos nga taga Sunga Subdivision, Prk. 5, Brgy. Lagao ning dakbayan.
Sumala kang Police Chief Inspector Peter Pinalgan Jr., hepe sa Police Station 3 nga alas 8 pasado ang takna sa buntag dihang gipusil ang biktima sa may Estabillo Subd. Prk. 23 brgy. Lagao.
Basi sa inisyal nilang pagsuta, usa lang ang suspek nga naghimo sa krimen nga padayon pa nilang gina-imbestigahan.
Dugang pamahayag ni PCI Pinalgan nga igo lang matud pa nga nagnaug sa iyahang pasahero ang biktima sa lugar ug iyahang gipa-abot nga kini musakay ug balik dihang kalit nga gipusil sa wala mailhing suspek
Sa karon ilaha pang ginasuta kung lakip sa mga nagsurender ngadto sa ilahang buhatan ang biktima sa mga nahilambigit kaniadto sa illegal nga droga.
