Nalandig tambalanan ang usa lalaki human kini gidunggab alas dos kapin kon kulang ang takna sa hapon kagahapong adlawa.
Biktima nailang si Polinario Lasco Jr. 50 anyos minyo taga tambacan sakop ning dakbayan sa Iligan.
Sumala sa igsuon niini, nga gidumbol ug tuyo sa suspetsadong naila lang sa pangalang Ronnie ang likod nga bahin sa sikad niini, unya dihang mipalag ang biktima , kalit lang kining gidunggab gamit ang usa ka kutsilyo.
Samad sa li-og ang naangkon sa biktima hinungdan nga daling gidala sa tambalanan.
Pursigido usab nga mupasaka ug kaso ang tagtungod sa biktima ngadto sa suspetsado nga karon gibalhog na sa Station 4 ning dakbayan sa Iligan.
Facebook Comments
