General Santos City–Hospital ang gidangatan sa usa ka Willie Constantino Casa, 62 anyos nga nanimuyo sa Barangay Sinawal, Gensan human kining gipusil sa wala mailhing suspect nga nakasakay ug motorsiklo alas 7:15 ang takna sa buntag sa SM Village, Barangay Sinawal.
Sumala ni Police Major Ananias Vasquez , ang hepe sa Police Station 2 nga nag drive lang matud pa sa iyang motor ang biktima dihang nakasugat niini ang mga suspect ug gipabuthan lang siya ug kalit.
Naka-angkon ug samad pinusilan sa singit ang biktma nga milapos ngadto sa iyahang sampot. Gamit sa suspek ang kalibre 45 nga armas sa pagpusil sa biktima.
Sa karon padyon pang nagapangalap ug ebidensya ang Police Station 2 aron sayron kung unsa ang posibleng motibo sa maong pagpamusil sa wala mailhing suspect.
basi usab sa pamahayag sa biktima nga wala siyay nakalaban ug nag tuo matud pa kini nga siya naalaan tungod kay nag mask matud pa siya sa dihang siya gipusil sa mga suspect.
Wala pa usab person of interest ang Police Station 2 sa maong pagpamusil ug gisuta na matud pa nila kung may nakainstall nga cctv duol sa lugar kansa makatabang sa ilang imbistigasyon sa maong kaso. (Dave Silagan)
