Sikad driver-gitipi

160

General Santos City—gipusil patay sa wala pa mailhing suspetsado ang usa ka Trisikad Driver atubangan sa ilang Vulcanizing shop nga nahimutang sa National Highway, sakop sa Purok-12, Barangay Katangawan Gensan.

Ang biktima nailhang si Marwell Depeño Amancio, 24, Residenti sa Prk. 12, Barangay Katangawan ning syudad.

Alas 11:50 ang takna sa gabie, Domingo, July 9, 2017 samtang ang biktima nag ayo sa iyang trisikad atubangan sa ilang Vulcanizing shop kalit lang miabot ang suspetsadong nakamotorsiklo dayon gipusil ang biktima gamit ang kalibre 45 nga pistol (5) ka higayon nga hinungdan sa iyang kamatayon.


Nasayran nga lima gyud ka mga samad pinusilan ang naangkon sa biktima, (2) sa iyang liog, (2) sa iyang abaga ug (1) sa iyang tiyan.
Paspas nga nakasibat ang suspek samtang ang biktima, wala na nadala pa sa ospital human nga nakabsan gilayon sa iyang ginabuhi gumikan sa mga samad niining naangkon. Narekober sa crime scene ang (5) ka empty shell sa kalibre 45 nga pistol.

Sumala ni Marilou Amancio, inahan sa biktima nga daan nang gidudahan sa ilang lugar ang iyang anak n ga suspek sa pagpangawat apan iya kining gihimakak tungod wala gyud ka panghilabot ang iyang anak.

Dinhi karon nanukad ang kapulisan nga sakop sa Police Station 8 sa ilang imbistigasyon sa kasong pagpatay sa biktima.



Facebook Comments