Patay ang usa ka sikad driver human mabunal ang ulo sa sementong bahin sa recrop sa Bitan-ag creek banda alas dos ang takna ganinang hapon.
Biktima nailang si Dindo Miole, gibana-banang nag edad sa 40 anyos, minyo ug dunay usa ka anak nga taga Tabaco, Agora Lapasan ning dakbayan.
Gibutyag sa manghod sa biktima nga si Dennis Miole nga naandan na sa iyang magulang nga maligo kung mahubog kini.
Pirmi na matud pa nilang gatambagan ang biktima nga dili maligo kung makainom ug likayan ang pag ambak-ambak sa tulay apan wala kini magpatoo.
Nakit-an ang patayng lawas sa biktima nga naghulom na sa tubig pinaagi sa tabang sa mga personahe sa Oro rescue, USAR ug mga residente sa dapit.
Facebook Comments
