General Santos City—Patay ang usa ka Raymond Espinoza Senisal, 23, sikad driver, residenti sa Offsring Vill., Barangay Calumpang, Gensan human kining gipusil sa wala mailhing suspek alas 12:30 ang takna sa udto didto sa maong lugar.
Sa inisyal nga imbistigasyon sa Police Station 5 nasuta nga nag inum ang biktima uban sa iyang mga paryenti sa panimalay sa iyang ig-agaw.
Human ug inum miuli ang biktima apan pag abot sa lugar, siya gipusil sa usa ka lalaking nakamotorsiklo.
Nakaangkon ug samad sa iyang tyan nga bahin ang biktima kansa gidala gilayon sa iyang mga kabanay sa Gensan Medical Center apan gideklarang dead on arrival.
Samtang sumala sa mga testigo ang suspek human sa pagpamusil paspas nga misibat sa wala sayring lugar,
Sa karon nagpadayon ang gihimong imbistigasyon kalabutan sa insidenti ug ginasuta pa ang identity sa suspetsado sa pagpamusil.
