Napasakaan na ug kaso ang usa ka indibidwal kinsa gitudlo nga misulod sa usa ka panimalay didto sa Brgy. Proper, Sirawai, Zamboanga del norte niadtong adlawng sabado hunyo, 2, 2018.
Ang maong panimalay gipanag-iyahan ni Jovanie Obra nga anaa na himutang sa sentrong bahin sa lungsod sa Sirawai.
Saysay pa ni Jovanie samtang natulog sila, ilang namatikdan nga adunay wala nailang tawo ang naglakaw-lakaw sulod sa ilang lawak,hinungdan nga ang membro sa ilang pamilya ang naalarma kini ug sa dihang nakabantay ang maong kawatan dali kining misibat sa wala masayring direksyon.
Dali usab nga mitahoang pamilyang Obra didto sa kapulisan sa Sirawai aron mahatagan gilayon ug aksyon.
Sa nahipos nga impormasyon pinaagi sa imbistigador nga si PO3 Rashid Rivera Paniorotan pugsanon gisulod ang maong balay didto agi sa kisami ug gipangkuha ang personal nga gamit lakip ang salaping cash nga nagkantidad ug P2,000.
Sa gihimong pursuit operation sa kapulisan dali nga nasikop si Adjilaya Y. Sahabi pinaagi na usab sa impormasyon nga gihatag sa nagpakabanang lungsuranon nga nakakita niadtong higayona, nakuha sa iyang posisyon ang P2,500.
Sa pagkakaron himas rehas na ang dinakpan ug andam na nga mo serbisyo sa kasong gipasaka batok kaniya.
