Roxas City, Capiz – Nangin madinalag-on ang ginpatigayon nga SIKAD kontra Krimen sa Panahon ng Pandemya sang PNP subong nga adlaw sang Huwebes, Setyembre 2, 2021.
Ini ang ginpasakopan mismo sang mga kapulisan nagikan sa Capiz PPO sa pagpamuno ni PCOL Laudemer Llaneta; Roxas City PNP sa pagpamuno ni PLTCOL Aron Palomo; mga local officials kag grupo sang mga civilian bikers.
Maluwas diri, nakigbahin man sanday Mayor Ronnie Dadivas; Punong Barangay Reynaldo Magallanes sang Barangay Baybay, Roxas City; grupo sang Capiz Mini Bikers Club; Crime Laboratory – Capiz sa pagpamuno ni PCOL Joe Martin Fuentes kag iban pa nga mga siklista.
Samtang sa ginpatigayon nga simple nga seremonya sa Peoples Park, Barangay Baybay, nagbaton sang mga food packs ang 27 tanan ka mga benepisaryo nga street food vendors kag indigent nga pamilya pinaagi sa “BARANGAYanihan” program sang PNP.
Ang nasambitan nga aktibidad ang kabahin lamang sang pag-obserbar sang National Crime Prevention Week nga nakasaad sa Presidential Proclamation No. 461 napetsahan Agosto 31, 1994.
Ang subong nga tuig nga selebrasyon ang may yara sang tema nga “Komunidad at Pamahalaan Magtulungan: Krimen, Korupsiyon, at Pandemya Labanan”.
